Localización +34 981 758 117 registro@cciacoruna.gal
Estás en: Inicio > Novas > Retirada dunha árbore na parroquia de Rus, no termo municipal de Carballo

Retirada dunha árbore na parroquia de Rus, no termo municipal de Carballo

Retirada dunha árbore na parroquia de Rus, no termo municipal de Carballo

     Carballo.-23/10/2011 Efectivos do Consorcio Provincial Contraincendios e Salvamento da Coruña con base no Parque de Bombeiros de Bergantiños interviñeron para retirar unha árbore que caeu, obstaculizando a vía, na parroquia de Rus, no concello de Carballo.

     A policía local deu o aviso e de inmediato se mobilizaron os bombeiros, os que, ó chegar ó lugar do sinistro, atopáronse cun castiñeiro obstaculizando a estrada. O castiñeiro, ó caer, tamén danara un cable de telefonía. O seu labor consistiu na retirada da árbore da estrada e na limpeza da vía dos restos de serraduras e pólas, restablecendo o tráfico na mesma.

     Ata o lugar do incidente desprazáronse un cabo xefe de quenda, dous bombeiros e o vehículo autobomba urbana. Unha vez rematazo o servizo e recollido o material empregado durante a intervención, regresaron á súa base, quedando de novo operativos.


enviar a un amigo Enviar