Malpica de Bergantiños.-29/04/2012 Efectivos do Consorcio Provincial Contraincendios e Salvamento da Coruña con base no Parque de Bombeiros de Bergantiños interviñeron como consecuencia dun incendio nun vehículo acontecido á altura do Lugar dos Piñeiros, no termo municipal de Malpica de Bergantiños.
O Centro de Coordinación de Emerxencias 112-Galicia recibiu o aviso e deseguido se mobilizaron os bombeiros, os que, cando chegaron ó lugar do sinistro, atopáronse cun vehículo envorcado e ardendo, invadindo un dos carrís da estrada. O seu labor consistiu en sufocar o incendio e en limpar a calzada dos restos do automóbil.
Ata o lugar do accidente desprazáronse un cabo xefe de quenda, dous bombeiros e o vehículo autobomba urbana. Ademais dos bombeiros, tamén colaboraron na intervención os efectivos da Garda Civil de Tráfico da Coruña. Unha vez rematado o servizo, recollidos os datos necesarios e o material empregado, regresaron á súa base, quedando de novo operativos.