Carballo.-15/01/2011 Catro efectivos do Consorcio Provincial Contraincendios e Salvamento da Coruña con base no Parque de Bombeiros de Carballo extinguiron un incendio nun vehículo estacionado na estrada Carballo-Berdillo.
A Garda Civil de Carballo deu o aviso e de inmediato se mobilizaron os bombeiros, os que, ó chegar ó lugar do incidente, atopáronse cun automóbil completamente calcinado, rematando a extinción do lume e enfriando o vehículo.
Ata o lugar do incidente desprazáronse un cabo xefe de quenda, tres bombeiros e unha autobomba urbana. Ademais dos bombeiros, tamén colaboraron na intervención membros da Garda Civil. Unha vez rematado o servicio, regresaron á súa base, quedando de novo operativos.