Localización +34 981 758 117 registro@cciacoruna.gal
Estás en: Inicio > Novas > Un vehículo colisiona contra un poste da luz no Concello de Cee

Un vehículo colisiona contra un poste da luz no Concello de Cee

Un vehículo colisiona contra un poste da luz no Concello de Cee

     Cee.-22/01/2011 Efectivos do Consorcio Provincial Contraincendios e Salvamento da Coruña con base no Parque de Bombeiros Comarcal da Costa da Morte acudiron á Avenida de Finisterre, no Concello de Cee, como consecuencia dunha colisión dun turismo contra un poste da luz.

     O Centro de Coordinación de Emerxencias 112-Galicia recibiu o aviso e de inmediato se mobilizaron os bombeiros, os que, cando chegaron ó lugar do accidente, atopáronse con dúas mulleres atrapadas na parte traseira do vehículo. O seu labor consistiu na excarceración dunha delas, xa que a outra xa fora liberada polos servicios sanitarios, cos cales colaboraron no seu traslado. De seguido, atallaron unha fuga de aceite que se producira no vehículo a consecuencia do sinistro.

     Ata o lugar do incidente desprazáronse un cabo xefe de quenda, tres bombeiros, unha autobomba urbana e unha autobomba nodriza. Ademais dos bombeiros, tamén colaboraron na intervención membros da Policía Local de Cee, da Garda Civil de Corcubión, da unidade de Motoristas e Atestados da Garda Civil de Tráfico e do GRUMIR de Cee. Unha vez rematado o servicio, regresaron á súa base, quedando de novo operativos.


enviar a un amigo Enviar