Extinguido un incendio nunha cooperativa situada na parroquia de Calo, no Concello de Vimianzo

     Vimianzo.-24/02/2011 Efectivos do Consorcio Provincial Contraincendios e Salvamento da Coruña con base no Parque de Bombeiros da Costa da Morte extinguiron un incendio na nave dunha cooperativa situada na parroquia de Calo, no termo municipal de Vimianzo.

     O Centro de Coordinación de Emerxencias 112-Galicia recibiu o aviso e de inmediato se mobilizaron os bombeiros, os que, cando chegaron ó lugar do incidente, atopáronse cunha nave chea de rolos de palla ardendo. O seu labor consistiu en extinguir o incendio, sacando os rolos de palla ó exterior do local para facilitar a tarefa. Tamén refrixeraron unha casa anexa ó local como medida preventiva.

     Ata o lugar do incidente desprazáronse un cabo xefe de quenda, dous bombeiros, unha autobomba urbana, unha autobomba nodriza e unha motobomba forestal. Ademais dos bombeiros, tamén colaboraron na intervención membros da Policía Local de Vimianzo, da Garda Civil de Vimianzo, Voluntarios de Protección Civil de Camariñas e o GRUMIR de Vimianzo. Unha vez rematado o servizo, regresaron á súa base, quedando de novo operativos.