Carballo.-01/03/2012 Os efectivos do Consorcio Provincial Contraincendios e Salvamento da Coruña con base no Parque de Bombeiros de Bergantiños interviñeron como consecuencia dun incendio forestal declarado na rúa Violetas, no termo municipal de Carballo.
O Centro de Coordinación de Emerxencias 112-Galicia recibiu o aviso e deseguido se mobilizaron os bombeiros, os que, cando chegaron ó lugar do sinistro, atopáronse cun incendio de reducidas dimensións que non ameazaba ás vivendas próximas porque se interpoñía a estrada polo medio. O seu labor consistiu en colaborar co GRUMIR de Carballo alí presente para sufocar o incendio.
Ata o lugar do incidente desprazáronse un cabo xefe de quenda, tres bombeiros e os vehículos autobomba urbana e nodriza. Ademais dos bombeiros e do GRUMIR de Carballo, tamén colaboraron na intervención efectivos da Policía Local de Carballo, da Garda Civil de Carballo e un axente forestal. Unha vez rematado o servizo, recollidos os datos necesarios e o material empregado, regresaron á súa base, quedando de novo operativos.