Ordes.-28/10/2013 Efectivos do Consorcio Provincial Contraincendios e Salvamento da Coruña con base no Parque de Bombeiros de Ordes interviñeron como consecuencia do accidente de tráfico acontecido na estrada de Vilamaior a Olas, á altura da parroquia de Vilamaior, no termo municipal de Ordes.
O Centro de Coordinación de Emerxencias 112 Galicia recibiu o aviso e deseguido se mobilizaron os bombeiros, os que, cando chegaron ó lugar do sinistro atopáronse cunha colisión fronto-lateral entre dous vehículos, na que un dos condutores quedara atrapado como consecuencia do impacto. O seu labor consistiu na liberación da vítima e na limpeza da estrada dos restos do automóbil.
Ata o lugar do accidente desprazáronse un cabo xefe de quenda, dous bombeiros e o vehículo autobomba urbana. Ademais dos bombeiros, tamén colaboraron na intervención membros da Garda Civil de Tráfico e persoal do 061 de Ordes. Unha vez rematado o servizo, recollidos os datos necesarios e o material empregado, regresaron á súa base, quedando de novo operativos.
Enviar