Porto do Son.-24/01/2011 Efectivos do Consorcio Provincial Contraincendios e Salvamento da Coruña con base no Parque e Subparque Comarcal de Bombeiros do Barbanza extinguiron un incendio nunha vivenda no lugar da Igrexa, pertencente á parroquia de Baroña, no Concello de Porto do Son.
O Centro de Coordinación de Emerxencias 112-Galicia recibiu o aviso e de inmediato se mobilizaron os bombeiros, os que, cando chegaron ó lugar do incidente, atopáronse con que o lume xa fora controlado polos veciños, que lle botaran auga cun par de mangueiras. Entraron ó inmoble e localizaron o incendio no interior dun armario, polo que a súa intervención consistiu en enfriar o roupeiro e na ventilación da habitación. De seguido, retiraron o material danado polo lume.
Ata o lugar do incidente desprazáronse dotacións do Parque e Subparque Comarcal de Bombeiros do Barbanza. Ademais dos bombeiros, tamén colaboraron na intervención membros da Policía Local, Garda Civil e Protección Civil. Unha vez rematado o servicio, regresaron á súa base, quedando de novo operativos.
Enviar