15/02/2011 Tres efectivos do Consorcio Provincial Contraincendios e Salvamento da Coruña con base no Parque de Bomberios de Ordes extinguiron un incendio nun vehículo na N-550, na parroquia de Beira, no termo municipal de Carral.
O Centro de Coordinación de Emerxencias 112-Galicia recibiu o aviso e deseguido se puxeron en marcha os bombeiros, os que, ó chegar o lugar do incidente, atopáronse con que o automóbil estaba a arder á beira da estrada. O condutor xa saíra do mesmo. A súa intervención consistiu na extinción do incendio, esperando, a continuación, á chegada do guindastre que retirou o auto.
Ata o lugar desprazáronse un cabo xefe de quenda, dous bombeiros e unha autobomba urbana. Ademais dos bombeiros, tamén colaboraron na intervención membros do GRUMIR. Unha vez rematado o servizo, regresaron á súa base, quedando de novo operativos.
Enviar