Monfero.-19/04/2011 Tres efectivos do Consorcio Provincial Contraincendios e Salvamento da Coruña con base no Parque de Bombeiros do Eume extinguiron un incendio nun vehículo na parroquia do Val de Xestoso, no termo municipal de Monfero.
O Centro de Coordinación de Emerxencias 112-Galicia recibiu o aviso e deseguido se puxeron en marcha os bombeiros, os que, cando chegaron ó lugar do incidente, procederon a sufocar o incendio, quedando o interior do automóbil totalmente calcinado.
Ata o lugar desprazáronse un cabo xefe de quenda, dous bombeiros e unha autobomba urbana. Unha vez rematado o servizo, regresaron á súa base, quedando de novo operativos.