Bergondo.-03/05/2011 Efectivos do Consorcio Provincial Contraincendios e Salvamento da Coruña con base no Parque de Bombeiros de Betanzos extinguiron un incendio nunha vivenda na parroquia de Lubre, no termo municipal de Bergondo.
O Centro de Coordinación de Emerxencias 112-Galicia recibiu o aviso e deseguido se mobilizaron os bombeiros, os que, cando chegaron ó lugar do incidente, observaron que o foco do incendio achábase no primeiro piso dunha vivenda unifamiliar. O seu labor consistiu en extinguir o lume.
Ata o lugar desprazáronse un cabo xefe de quenda, dous bombeiros e un vehículo autobomba urbana. Ademais dos bombeiros, tamén colaboraron na intervención efectivos da Garda Civil e o S.M.P.C. de Bergondo. Unha vez rematado o servizo, regresaron á súa base, quedando de novo operativos.