Boiro.-08/08/2011 Efectivos do Consorcio Provincial Contraincendios e Salvamento da Coruña con base no Parque e Subparque Comarcal de Bombeiros do Barbanza extinguiron un incendio nunha vivenda situada na rúa Francisco del Río Romero, no concello de Boiro.
O Centro de Coordinación de Emerxencias 112-Galicia recibiu o aviso e deseguido se mobilizaron os bombeiros, os que, cando chegaron ó lugar do incidente, atopáronse cunha gran cantidade de fume dentro do edificio, localizando o foco do lume nunha das habitacións da vivenda. O seu labor consitiu en extinguir o incendio, asegurándose tamén de que non houbese ninguén afectado ou ferido no interior do inmoble.
Ata o lugar do incidente desprazáronse dotacións do Parque e Subparque Comarcal de Bombeiros do Barbanza. Ademais dos bombeiros, tamén colaboraron na intervención membros da Policía Local de Boiro, do GRUMIR de Boiro, da Garda Civil e do 061. Unha vez rematado o servizo, recollidos os datos necesarios e o material empregado, regresaron á súa base, quedando de novo operativos.